అమ్మకు అక్షరాభిషేకం

                                                                                                                              రచన : కమల్ తేజ్

అమ్మ అనే రెండు బీజాక్షరాలు

అనురాగం కురిపించు అక్షయాలు
అవనిలోని తన బిడ్డలను
అనుక్షణం  కాపాడు రక్షకాలు

 

దేవుడే కనిపించని ఈ లోకంలో
కని పెంచే తల్లే
కనిపించే దేవతరా

 

అమ్మ లాలన ఎంతో తియ్యన
అమృతధారల కన్నా
అమ్మ దీవెన ఎంతో మిన్న
ఆ దేవుని దీవెన కన్నా

 

అమ్మ మనసు
అన్నివేళలా నవనీతం
ఎన్నిసార్లు బిడ్డ గాయపరచినా
అన్నిసార్లు మరిచిపోవటమే ఆమె  నైజం  

అమ్మ అవటంతో అవుతుంది
ఆడబ్రతుకు ఎంతో సార్ధకం
అమ్మను ఆరాధించకపోతే
ఎవ్వరి బ్రతుకైనా నిరర్ధకం

 

 ****